Dødsulukke på Stord

Published at: fre 21.01.2022 13:54 / Updated at: tir 08.03.2022 09:02

Ein 17 år gamal gut døydde etter å ha falle frå ein mellometasje på eit nybygg på ein byggeplass og 4- 5 meter ned.

Den avdøydde guten var med fire andre på byggeplassen ved Nysæter ungdomsskule på Stord. Guten blei først frakta til Stord sjukehus etter at politiet fekk melding om ulukka rett før klokka 20.30 sundag 2. januar, før han blei frakta vidare til Haukeland universitetssjukehus (Nybø. 2022b). Der blei han erklært død måndag 3. januar, opplyser politiet. 17- åringen var elev ved Stord vidaregåande skule, som måndag flagga på halv stong (Nybø, 2022a).

Stord vidaregåande skule flagga på halv stong måndag 3. januar. Foto: Preben Ørpetveit Solberg/ Sunnhordland

Entreprenørselskapet som arbeide på åstaden vedtok tysdag 4. januar å stoppe vidare arbeid på området for ein periode. Selskapet har drive på med riving og bygging ved Nysæter ungdomsskule sidan 2019 og har plan om å vere ferdig sommaren 2023 (Haugesunds avis, 2022).

Kjeldeliste

Haugesunds avis (2022, 4. januar). Stanser arbeidet etter dødsulykke: - Vi er trygge på at stedet har vært sikret. Plussak om arbeidsulykke på Stord.pdf

Nybø, H. V. (2022a, 3. januar). Mista livet i fallulukka. Mista livet i fallulukka (sunnhordland.no)

Nybø, H., V. (2022b, 3. januar). 17- åringen fall gjennom isoporplater. 17-åringen fall gjennom isoporplater (sunnhordland.no)